Me çeljen e garës për zgjedhjen e kreut të ri të Strukturës së Posaçme Antikorrupsion, tetëmbëdhjetë prokurorë aktualë kanë mundësinë që të konkurrojnë për marrjen e drejtimit të Prokurorisë së Posaçme.

Zgjedhja e kryeprokurorit të ri nga Këshilli i Lartë i Prokurorisë do të vendosë emrin e tretë që do të drejtojë këtë strukturë, e cila fokus ka ndjekjen penale dhe hetimin e çështjeve të korrupsionit dhe krimit të organizuar.

Lista me emrat e mëposhtëm i përket kandidatëve të mundshëm, të cilët janë pjesë e SPAK-ut aktualisht dhe kanë mundësinë që të konkurrojnë, ndërsa vetë kreu aktual Altin Dumani nuk mund të përfshihet në garë, pasi nuk ka të drejtë rikandidimi.

1. Adnan Xholi
2. Anita Jella
3. Alfred Shehu
4. Behar Dibra
5. Bledar Maksuti
6. Doloreza Musabelliu
7. Dorina Bejko
8. Dritan Prençi
9. Edvin Kondili
10. Elida Kaçkini
11. Elvin Gokaj
12. Ened Nakuçi
13. Enkeleda Millonai
14. Klodjan Braho
15. Manjola Kajana
16. Ols Dado
17. Sotir Kllapi
18. Vladimir Mara

Kreu i ri i Prokurorisë së Posaçme do të pasojë Dumanin, i cili u zgjodh si drejtues më 18 dhjetor të vitit 2022. Dumani erdhi pas përfundimit të mandatit të Arben Krajës në dhjetor të vitit 2019, i cili ishte drejtuesi i parë prej krijimit të Prokurorisë së Posaçme.

Pas mbarimit të mandatit, Dumani do të ushtrojë detyrën si prokuror i posaçëm i kësaj strukture deri në përfundim të mandatit njësoj si Arben Kraja.

Altin Dumani në tri vite si kreu i SPAK-ut zgjodhi RTSH-në për t’iu përgjigjur pyetjeve që preknin çështje të “nxehta” të institucionit, të cilin ai do e drejtojë deri më 18 dhjetor 2025.

Gazetare: Flutura Tota

/rtsh.al/