RTSH 1 sjell për publikun shqiptar një tjetër prodhim të suksesshëm ndërkombëtar. Duke nisur nga e hëna, çdo të hënë dhe të martë, në orën 23:35, në ekranin e RTSH 1 do të transmetohet seriali britanik “Londra e egër” (“London Kills”), një triller policor që ka ngjallur interes të madh në Evropë dhe Shtetet e Bashkuara.

Seriali ndjek punën e një ekipi hetuesish të Policisë Metropolitane të Londrës, të cilët përballen me vrasje të ndërlikuara dhe histori personale që shpesh përplasen me misionin e tyre për drejtësi. Me një stil realist, ritëm të shpejtë dhe skenar të ngarkuar me tension, “Londra e egër” (“London Kills”) e zhyt shikuesin në zemër të mistereve të qytetit më të madh të Europës.

Roli kryesor interpretohet nga Hugo Speer, i njohur për publikun britanik nga seriale si “The Full Monty” dhe “The Musketeers”, ndërsa në krah të tij spikasin Sharon Small dhe Bailey Patrick, që i japin karaktereve të tyre thellësi emocionale dhe dimension njerëzor.

Ky prodhim i BBC Studios dhe Acorn TV, vjen për herë të parë në ekranet shqiptare ekskluzivisht në RTSH, duke zgjeruar katalogun e serialeve cilësore ndërkombëtare që transmetohen për publikun vendas.

Mos e humbisni “Londra e egër” (“London Kills”) – çdo të hënë dhe të martë, në orën 23:35, vetëm në RTSH 1 HD.

/rtsh.al/