PS vendos mbledhje strukturash dhe takime në terren, ende pa datë për Asamblenë

Politikë | 8 muaj më parë

Kryeministri Edi Rama ka mbledhur këtë të martë kryesinë e Partisë Socialiste. Mbledhja ka zgjatur vetëm 30 minuta dhe kishte kryesisht karakter organizativ.

Gazetarja Denada Shkodrani raportoi se Kryesia vendosi për organizimin e mbledhjeve të strukturave dhe takimeve në terren, ndërsa nuk është përcaktuar ende një datë për mbledhjen e Asamblesë së PS.

Kjo mbledhje vjen një ditë pasi Kryeministri Rama zhvilloi një takim me Presidentin Bajram Begaj, ku i përcolli propozimet lidhur me ndryshimet e fundit të kabinetit qeveritar. Ndryshimet e propozuara pritet të dekretohen nga Presidenti Begaj dhe më pas t’i kalojnë për shqyrtim seancës plenare.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.