Ndeshja mes Palmeiras dhe Chelsea ka përfunduar me fitoren 2-1 në favor të ekipit londinez. Ndeshja e luajtur në orët e para të ditës së sotme (03:00) kishte për protagonist talentin e futbollit brazilian, Estevao, i cili ka firmosur për ekipin e Chelsea-t prej muajsh dhe pritet që të transferohet në “Stamford Bridge” në fund të korrikut.

18-vjeçari menjëherë la të kuptohej se do të bënte gjithçka për të kualifikuar Palmeiras-in në gjysmëfinale duke vendosur në vështirësi ata, të cilët do të jenë shokët e ardhshëm të ekipit.

Ai ishte autori i golit të barazimit në minutën e 53’ kur mundi Sanchez-in me një diagonale të fortë, e cila barazoi golin e realizuar nga Palmer në të 16’.

Shtatë minuta nga fundi i takimit Chelsea gjeti edhe golin e kualifikimit, rrjetë kjo që e dërgon në gjysmëfinale të Kupës së Botë për Klube ku e pret skuadra e Fluminense.