Kupa e Shqipërisë për vajza, të shtunën luhen dy ndeshjet e para gjysmëfinale

Kupa e Shqipërisë | 2 vite më parë

Kupa e Shqipërisë për vajza do të zhvillojë këtë të shtunë ndeshjet gjysmëfinale të edicionit të 16-të të këtij kompeticioni. Katër ekipet gjysmëfinaliste të këtij edicioni janë Tirana, Egnatia, Apolonia e Kinostudio.

Sipas skemës së përcaktuar nga Departamenti i Garave në FSHF, finalistët do të përcaktohen me ndeshje me sistem vajtje-ardhje, teksa takimet e para do të luhen këtë të shtunë.

Egnatia – Tirana dhe Kinostudio – Apolonia janë dy ndeshjet gjysmëfinale të këtij edicioni të 16-të të Kupës së Shqipërisë.

Në orën 12:00 do të zhvillohet takimi i parë i fazës gjysmëfinale Egnatia – Tirana ndërsa në orën 14:00 në QSK Kamëz do të luhet ndeshja Kinostudio – Apolonia.

Ndeshjet gjysmëfinale të Kupës së Shqipërisë për vajza:

Egnatia – Tirana, e shtunë, ora 12:00

Kinostudio – Apolonia, e shtunë, ora 14:00

Kupa e Shqiperise

vajza

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.