Kuvajti dhe Pakistani kanë formalizuar një marrëveshje të përbashkët në fushën e mbrojtjes dhe atë ushtarak gjatë vizitës së ministrit kuvajtian të Mbrojtjes në Pakistan.

Sipas zyrtarëve, qëllimi i marrëveshjes është “të forcojë koordinimin operacional, të shkëmbejë përvojat ushtarake dhe të rrisë nivelin e gatishmërisë dhe të integrimit” midis forcave të armatosura të të dy vendeve.

Të dyja palët riafirmuan angazhimin e tyre për “forcimin e lidhjeve institucionale dhe zgjerimin e bashkëpunimit mbrojtës të dobishëm reciprokisht”.

Marrëveshja vjen në një kohë kur Pakistani ka intensivizuar lidhjet e tij mbrojtëse në rajon. Më herët këtë muaj, Islambadi nënshkroi një marrëveshje të përbashkët mbrojtëse me Arabinë Saudite dhe Turqinë, duke treguar një strategji më të gjerë për forcimin e aleancave ushtarake me vende kyçe të botës islame.

Bashkëpunimi midis Kuvajtit dhe Pakistanit pritet të përfshijë shkëmbime trajnimesh, stërvitje të përbashkëta, koordinim në fushën e gatishmërisë operacionale dhe përforcim të lidhjeve midis institucioneve mbrojtëse të të dy vendeve.

Zyrtarët theksuan se kjo marrëveshje do të kontribuojë në rritjen e aftësive mbrojtëse dhe në integrimin më të mirë të forcave të armatosura.

Vizita e ministrit kuvajtian të Mbrojtjes në Pakistan shërbeu si platformë për bisedime të nivelit të lartë, gjatë të cilave u diskutuan edhe çështje të sigurisë rajonale dhe mundësitë për bashkëpunim të mëtejshëm.

Të dyja palët theksuan rëndësinë e partneritetit të qëndrueshëm në fushën e mbrojtjes, në një kontekst gjeopolitik ku aleancat ushtarake po fitojnë gjithnjë e më shumë rëndësi.

/rtsh.al/