Laert Sallaku, oficeri më i ri në NYPD, shqiptari u rendit i pari mes 600 të diplomuarve

Aktualitet | 2 vite më parë

Ndryshimet në jetë i kaloi me sukses, edhe pse në një moshë të re Laert Sallaku që emigroi në Shtetet e Bashkuara ja doli dhe sot ai është oficeri më i ri i sapo diplomuar i policisë së Nju Jorkut.

Mes 600 oficerëve të sapo diplomuar, Laert Sallaku, u rendit i pari me rezultatin 99.6 përqid, dhe në ceremoninë, ai tregoi rrugëtimin e tij, që nisi në shkollë të mesme.

“Rrugëtimi im për tu bënë një oficer i Nju Jorkut filloi rreth 6 vite më para kur në moshën 17-vjeçare emigrova në Nju Jork. Si një emigrant i ri u përballa me diversitetin dhe karakterin gjithëpërfshirës të qytetit ku menjëherë u ndjeva i pranuar dhe se e kisha vendin këtu”, tha Sallaku.

Në ceremoninë e diplomimit të oficerëve nuk mungoi edhe kryebashkiaku i Nju Jork-ut Erik Adams i cili nuk mungoi të përshëndesë me simbolin e shqiponjës dy krenare.

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.