Lirimi i hapësirave publike, IMT: Në Tiranë janë çliruar mbi 53 mijë metra katrorë

Aktualitet | 1 vit më parë

Në kuadër të aksionit për lirimin e hapësirave publike në Tiranë, janë çliruar 53 031 metra katrorë sipërfaqe që ishin të zëna nga ndërtime apo struktura pa leje.

Sipas Inspektoratit të Mbrojtjes së Territorit, gjatë disa javëve të zhvillimit të aksionit janë kryer 1 408 çmontime, prej të cilave 1 167 u bënë vullnetarisht nga bizneset, ndërsa 241 me ekzekutim të vendimeve.

Ky proces është pjesë e programit të qeverisë për zhvillimin urban sipas vizionit “Shqipëria 2030 në BE”. Kryeministri Edi Rama ka theksuar se nuk bëhet fjalë për një aksion të përkohshëm, por për një fazë riorganizimi urban, që do të shtrihet jo vetëm në Tiranë, por edhe në qytete të tjera të vendit.

Synimi i transformimit është që qytetet të bëhen më funksionale për komunitetin, më të pastra dhe më të gjelbra.

/rtsh.al/

hapesira publike

tirane

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.