Lirimi i hapësirave publike në Laç, IVMT prish strukturat e ngritura pa leje në qytet

Aktualitet | 1 vit më parë

Aksioni për lirimin e hapësirave publike po zhvillohet edhe në Laç. Në disa zona të qytetit, sidomos pranë pallateve, ishin ngritur objekte tregtare pa leje, të cilat zinin trotuaret dhe hapësirat publike, duke penguar lëvizjen e qytetarëve në rrugicat e lagjeve. Një pjesë e tregtarëve i kanë liruar vetë hapësirat e zëna në mënyrë të paligjshme, ndërsa, për të tjerët ka nisur shembja e strukturave

“Dje ka nisur aksioni për lirimin e çdo hapësire publike. Nuk kemi hasur kundërshti. Pas Laçit do vijojmë me Mamurrasin dhe Milotin”, tha Jetmir Mzhika, drejtor i IVMT Kurbin.

Krahas qytetit të Laçit, aksioni për lirimin e hapësirave publike do të shtrihet edhe në zona të tjera të Bashkisë Kurbin. Autoritetet bëjnë me dije se ky proces do të vijojë pa ndërprerje deri në rikthimin e rendit urban.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.