Të paktën 15 persona kanë humbur jetën dhe dhjetëra të tjerë kanë mbetur të plagosur pas një aksidenti të rëndë në Lisbonë të Portugalisë. Funikulari Gloria (një sistem transporti hekurudhor që lëviz në shpat të pjerrët me ndihmën e kabllove), një atraksion historik dhe shumë i njohur turistik, doli nga shinat dhe u përplas me një ndërtesë, duke shkaktuar tragjedi në një nga zonat më të frekuentuara të qytetit.

Shkaqet e aksidentit nuk dihen ende, ndërsa mes viktimave ka edhe turistë.

Kryebashkiaku i Lisbonës, Carlos Moeda reagoi përmes një postimi në rrjetet sociale, ku tha se qyteti është në zi, duke e quajtur aksidentin një moment tragjik.

“Shpreh ngushëllimet e mia të sinqerta për të gjitha familjet dhe miqtë e viktimave. Lisbona është në zi“, shkruan ai.

Funikulari Gloria, i cili daton nga viti 1885, është një prej simboleve më të njohura të Lisbonës, që transporton çdo ditë qindra turistë dhe vendas. Hekurudha lidh qendrën e Lisbonës me lagjen e sipërme dhe është e popullarizuar nga turistët.

/rtsh.al/