Lista e barnave, buxheti për rimbursim arrin në 12.6 miliardë lekë

Ekonomi | 1 vit më parë

Lista e barnave të rimbursueshme ka hyrë në fuqi që me datë 1 mars. Drejtori i Fondit të Detyrueshëm të Kujdesit Shëndetësor, Liman Morina tha se në këtë listë ka barna të reja që janë shtuar.

“Për të gjitha kategoritë e sëmundjeve bëhet rimbursimi i ilaçeve. Nga viti në vit ka ndryshime në listë sepse ka shtesa të barnave”, u shpreh Liman Morina, Drejtor i FSDKSH, Kukës

Qytetarët mund të informohen për të drejtën e tyre për rimbursim nëpërmjet mjekut të tyre të familjes.

“Çdo qytetar informohet sepse ka mjekun e familjes dhe ai i jep informacionin e duhur dhe jep rekomandimet për të përfituar ilaçet me rimbursim”, tha Morina.

Në buxhetin 2025 fondi i rimbursimit të barnave është përcaktuar 12,6 miliardë lekë rreth 126 milionë euro nga 12 miliardë lekë që u përcaktua në ndryshimet e aktit të pestë normativ të vitit 2024.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.