Shqipëria e ka mbyllur me humbje aventurën e saj në kualifikueset e Botërorit  2026 duke u mposhtur nga Anglia me rezultatin 2-0, dy gola të shënuar nga Harry Kane.

Një humbje pa pasoja për kuqezinjtë, të cilët zbritën në fushën e “Air Albania” për këtë sfidë me biletën e play off të siguruar që në ndeshjen e mëparshme, atë me Andorrën.

Në pjesën e parë të besuarit e trajnerit Silvinho zhvilluan një lojë mjaft të mirë, ndërsa Srakosha u tregua i pakalueshëm në raste e krijuara nga anglezët.

Pjesa e dytë nisi me mundësi shënimi për kuqezinjtë, Laçi, Hoxha dhe Bajrami kishin raste të mira, por finalizimi nuk ishte në nivelin e kërkuar.

Anglëzët morën situatën në dorë dhe në minutën e 74-ët, Kane nga afër arriti të mposhtë Strakoshën, ndërsa 8 minuta më vonë dyfishoi rezultatin me një gjuajtje me kokë.

Në minutat e fundit kuqezinjtë humbën shërbimin e Brojës të dëmtuar, ndërsa anglezët administruan rezultatin për një mbyllje perfektë të këtyre kualifikueseve: të gjitha fitore, asnjë gol i pësuar.

Shqipëri-Angli 0-2

Shënues:  Kane 74′, 82′

Mbyllet sfida…

82’ – Kane shënon përsëri në portën e mbrojtur nga Strakosha, një top i ardhur nga e majta e sulmit është shfrytëzuar maksimalisht nga sulmuesi i Bajernit, i cili ka goditur saktësisht me kokë.

81’ – Gjimshiti tenton me një gjuajtje me kokë portën angleze, por topi përfundon shumë larg kuadratit.

74’ – Pas ekzekutimit të një goditje këndi, anglezët kalojnë në avantazh me anë të Harry Kane.

67’ – Pas një zbritja të rrezikshme nga Hoxha nga e majta e sulmit, topi ka përfunduar në këmbët e Bajramit, por goditja e tij është mjaft e gabuar.

65’ – Saka shfaqet në zonën kuqezi, por goditja e tij është pritur nga Strakosha.

57’ – Eze shfaqet i vetëm në zonën kuqezi, por Strakosha është në lartësinë e duhur me ndërhyrjen e tij.

51’ – Mundësia më e mirë për kuqezinjtë. Bajrami nga e djatha ka bërë gjithçka në mënyrën e duhur, për të shërbyer më pas për Hoxhën, i cili i vetëm ka goditur, por mjaft e lehtë për portierin Henderson.

50’ – Arbër Hoxha shfaqet përsëri rrezikshëm, godija e tij është pritur me vështirësi nga portieri anglez.

47’ – Qazim Laçi provon portën angleze pas topit të dhënë nga Balliu, por goditja e tij është mjaft e lehtë.

Mbyllet në barazim pa gola 0-0 pjesa e parë e sfidës Shqipëri-Angli në “Air Albania”. Kuqezinjtë bënë një paraqitje shumë të mirë në 45 minutat e para, duke u përballur si të barabartë me anglezët.

41’ – Arbër Hoxha zbret rrezikshëm nga e majta e sulmit, por goditja e tij është devijuar në goditje këndi.

37’ – Quansah godet rrezikshëm me kokë, por Strakosha përsëri është në lartësinë e duhur.

36’ – Nga njëra portë në tjetrën, Bowen shfaqet rrezikshëm në zonën kuqezi, por goditja e tij është ndalur mrekullisht nga Srakosha.

29’ – Aksion i rrufeshëm i kuqezinjve, anglezët kapen në befasi, por Uzuni është në pozicion jashtë loje.  

26’ –  Ndërrim i detyruar te kuqezinjtë, Hysaj largohet i dëmtuar, në vend të tij aktivizohet Ivan Balliu.

18’ – Hysaj bën gjithçka bukur, por goditja e tij ka përfunduar mbi traversë.

16’-Rice shfaqet edhe njëherë rrezikshëm para portës së mbrojtur nga Srakosha, por goditja e tij përfundon mbi traversë.  

7’ – Aksion i anglezëve, Kane kërkon Rice në zonën kuqezi, por Strakosha tregohet i vëmendshëm duke mbërthyer topin.

6’ – Goditje këndi për kuqezinjtë, e ekzekutuar nga Asllani, por mbrojtja angleze ka larguar rrezikun.

4’ – Anglia jep sinjalin e parë të rrezikshëm, Rice gjuan në drejtim të portës kuqezi, por Strakosha tregohet i kujdesshëm.

Ka nisur sfida e kuqezinjve me Anglinë, e fundit në këto kualifikuese të Boërorit 2026.

Shqipëria: Strakosha, Hysaj, Gjimshiti, Asllani, Bajrami, Uzuni, Laçi, Aliji, Ismajli, Ramadani, Hoxha. Trajner: Silvinho.

Anglia: Henderson, Quansah, Stones, Burn, O’Reilly, Rice, Wharton, Bellingham, Bowen, Eze, Kane. Trajner: Tuchel