Lufta në Ukrainë, Borrel: Muajt e ardhëm do të jenë vendimtarë, të rrisim mbështetjen

Botë | 3 vite më parë

Shefi i politikës së jashtme të BE-së, Xhozef Borrel (Josep Borrell) ka deklaruar se përfundimi i luftës në Ukrainë do të vendoset në muajt e ardhshëm.

Mes dyshimeve mbi vazhdimin e ndihmës ushtarake të SHBA-së për Kievin, Borrel kërkoi rritjen e mbështetjen ndaj Ukrainës dhe kjo sipas tij duhet bërë pa humbur kohë.

“Është e vërtetë . Duhet të shpejtojmë. Duhet të rrisim mbështetjen tonë, të bëjmë më shumë dhe më shpejt. Kjo është arsyeja pse ne po rrisim kapacitetet tona të mbrojtjes industriale. Muajt e ardhshëm do të jenë vendimtarë. Shumë analistë presin një ofensivë të madhe ruse këtë verë dhe Ukraina nuk mund të presë deri në rezultatin e zgjedhjeve të ardhshme në SHBA,” tha Borrel.

Presidenti xho Bajden (Joe Biden), ka mbështetur ndihmën ushtarake për Ukrainën që nga pushtimi i plotë i Rusisë në vitin 2022.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.