Luis Enrique “tallet” me Premier Ligën: Ne jemi “Liga e fshatarëve”?

Sport | 1 vit më parë

Pas Liverpulit dhe Aston Vilës në turet paraardhëse, PSG eliminoi edhe Arsenalin në gjysmëfinalet e Champions League dhe Luis Enrique nuk mund të mos tallej me ata që në Angli në të kaluarën kanë shprehur opinione përçmuese për futbollin francez.

“Ne jemi Liga e Fshatarëve, apo jo?” tha spanjolli, duke komentuar fitoren e dytë ndaj “Topçinjve”, pa harruar se parizienët e kishin mundur edhe Manchester Unitedin në fazën e ligës.

“Tani gëzojmë jo vetëm rezultatet, por edhe komplimentet e të gjithëve që flasin për skuadrën tonë”, vazhdoi njeriu që në tetor zgjati kontratën me kryeqytetasit deri në vitin 2027.

“Ne jemi një ekip i ri, por mentaliteti, karakteri dhe gjithashtu mënyra se si luajmë futboll, mendoj se janë të mirë. Gjithashtu duhet t’i përgëzoj lojtarët e mi sepse janë të shkëlqyer”, përfundoi ai.

Luis Enrique

psg

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.