Ka nisur pasditen e së hënës në Luksemburg konferenca e katërt ndërqeveritare Shqipëri – BE, ku Shqipëria do të çelë grupkapitullin e dytë të negociatave me Bashkimin Evropian fokusuar te “Tregu i Brendshëm”.

Kryeministri Edi Rama, po kryeson delegacionin shqiptar në këto bisedime, i cili përbëhet nga ministra, zëvendësministra dhe drejtues të punës për kapituj përkatës.

Në nisje të koferencës Kryeministri Rama do të mbajë fjalën e hapjes, në emër të Shqipërisë, ndërsa në emër të BE-së, deklarata do të bëhet nga Radosłaë Sikorski, ministër i Punëve të Jashtme të Polonisë, e cila mban Presidencën e Këshillit të BE.

Në përfundim të punimeve të konferencës, Kryeministri Edi Rama, ministri i Punëve të Jashtme të Polonisë Radosłaë Sikorski dhe Komisionerja e BE-së për Zgjerimin Marta Kos do të zhvillojnë edhe një konferencë të përbashkët për shtyp.

Çfarë përmban grupkapitulli i II-të I negociatave?

Grupkapitulli i II-të I negociatave përmban: Kapitulli 1 (Lëvizja e lirë e mallrave);

Kapitulli 2 (Lëvizja e Lirë e Punëtorëve);

Kapitulli 3 (E drejta e themelimit dhe liria për të ofruar shërbime);

Kapitulli 4 (Lëvizja e lirë e kapitalit);

Kapitulli 5 (Legjislacioni për Shoqëritë Tregtare), Kapitulli 6 (E drejta e pronësisë intelektuale);

Kapitulli 8 (Politika e konkurrencës);

Kapitulli 9 (Shërbimet Financiare;

Kapitulli 28 (Mbrojtja e konsumatorit dhe shëndetit).

/rtsh.al/