Mandati i kryebashkiakut të Kuçovës, KAS e rikthehen për shqyrtim te Komisioneri Celibashi

Politikë | 5 muaj më parë

Komisioni i Ankimimeve dhe Sanksioneve (KAS) ka vendosur sot të shfuqizojë vendimin e mëparshëm të Komisionerit Shtetëror të Zgjedhjeve, Ilirjan Celibashi, lidhur me mandatin e kryebashkiakut të Kuçovës, Kreshnik Hajdari.

Vendimi i KAS detyron KQZ të shqyrtojë në themel çështjen dhe të marrë një vendim përfundimtar mbi fatin e mandatit të Hajdarit.

Gjithashtu, KAS rrëzoi kërkesën për moslejimin e ankimit ndaj këtij vendimi, duke hapur rrugën për një proces të ri shqyrtimi administrativ.

Hajdari nuk kishte deklaruar një dënim të vitit 1999 në Greqi, kur ishte 17 vjeç, gjë që i ka kushtuar një betejë të gjatë politike me opozitën.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.