Kryeministri Edi Rama ka reaguar lidhur me keqkuptimin e krijuar në media mbi marrëveshjen e migracionit me Italinë.

Në reagimin e tij në rrjetin social ‘X’ Rama shkruan se “më lejoni ta ritheksoj, qartë dhe shpresoj njëherë e përgjithmonë, se Protokolli ynë me Italinë është këtu për të qëndruar, për aq kohë sa Italia ta dëshirojë”

“Të gjithë gazetarëve nga Italia dhe më gjerë, të cilët po kontaktojnë lidhur me një citim të shtrembëruar të raportuar nga një media pas një interviste me Ministrin e Jashtëm të Shqipërisë: Më lejoni ta ritheksoj, qartë dhe shpresoj njëherë e përgjithmonë, se Protokolli ynë me Italinë është këtu për të qëndruar, për aq kohë sa Italia ta dëshirojë”, shkruan kryeministri Edi Rama.

To all journalists from Italy, and beyond, who are reaching out regarding a misleading quote reported by a media outlet after an interview with the Albanian Foreign Minister: let me reiterate, clearly and hopefully once and for all, that our Protocol with Italy is here to stay,… https://t.co/tHOPpRvrlp

— Edi Rama (@ediramaal) May 12, 2026

Ndërkaq, ministri i Punëve të Jashtme, Ferit Hoxha ka sqaruar gjithashtu deklaratën për marrëveshjen e migracionit.

Në një reagim në “X” , Hoxha shpjegon se gjatë një pyetjeje nga një gazetar në Bruksel mbi mundësinë e rinovimit të protokollit pas përfundimit të periudhës fillestare pesëvjeçare, është përgjigjur se nuk ishte i sigurt, duke shtuar se deri atëherë Shqipëria mund të jetë shtet anëtar i Bashkimit Evropian dhe situata mund të jetë ndryshe.

Sipas tij, deklarata ka qenë thjesht një reflektim spontan dhe jo një vendim apo ndryshim i qëndrimit të qeverisë shqiptare ndaj marrëveshjes.

Po kështu, ai shkruan se kjo deklaratë nuk duhet marrë si një ndryshim i qëndrimit të Shqipërisë lidhur me protokollin.

“Një sqarim i nevojshëm: Një gazetar në Bruksel më pyeti nëse protokolli ndërmjet Shqipërisë dhe Italisë do të rinovohej pas përfundimit të periudhës fillestare pesëvjeçare. Unë iu përgjigja duke thënë: “Nuk jam i sigurt, duke supozuar se deri atëherë Shqipëria do të jetë një shtet anëtar i Bashkimit Evropian dhe situata, për rrjedhojë, do të jetë ndryshe.” Ka qenë kaq e thjeshtë. Nuk bëhet fjalë për një vendim, por thjesht për një reflektim të çastit, të shprehur me sinqeritet dhe spontanitet. Kjo deklaratë nuk duhet në asnjë mënyrë të interpretohet si një ndryshim i qëndrimit të Shqipërisë në lidhje me protokollin. Fatkeqësisht, në botën e sotme, zhurma shpesh përhapet më shpejt sesa argumenti, logjika dhe konteksti. Shprehje të shkëputura nga konteksti shndërrohen shumë shpesh në narrativa që nuk pasqyrojnë as thelbin e diskutimit dhe as qëndrimin real të qeverive”, shkruan Ferit Hoxha në platformën “X”.

A useful clarification:

A journalist in Brussels asked me whether the protocol between Albania and Italy would be renewed after the expiration of the initial five-year period.

I responded by saying: “I am not certain, assuming that Albania will by then be a member state of the…

— Ferit Hoxha🇦🇱 (@HoxhaFer) May 12, 2026

/rtsh.al/