Shqiptarët janë populli më entuziast në rajon për anëtarësim në Bashkimin Evropian. Por, ndryshe nga ky vullnet i lartë, mbështetja nga qytetarët e vendeve anëtare mbetet më e ulët për Shqipërinë dhe Kosovën.

Sipas Eurobarometrit të vitit 2025, 92 për qind e shqiptarëve shprehen pro hyrjes në Bashkimin Evropian dhe 82 për qind e tyre kanë një përshtypje pozitive për unionin. Pas Shqipërisë, mbështetje më të madhe për integrimin tregojnë qytetarët e Maqedonisë së Veriut dhe të Gjeorgjisë. Në anën tjetër, më skeptikët janë serbët: vetëm 33 për qind duan që vendi i tyre të jetë pjesë e BE-së.

Megjithatë, Shqipëria dhe Kosova janë mes vendeve më pak të preferuara nga shtetasit e vendeve të BE-së për të qenë pjesë e unionit. Vetëm 45% e europianëve e duan Shqipërinë në gjirin e tyre, ndërsa Kosovën vetëm 43%. Ata duan më shumë Ukrainën dhe Malin e Zi, respektivisht me 52% dhe 51%.

Mbështetja është më e lartë tek të rinjtë dhe vendet nordike si Suedia, Danimarka dhe Lituania, por në shumë shtete anëtare shifrat mbeten të përziera.

Komisionerja për Zgjerimin, Marta Kos, theksoi se mbështetja e fortë në Shqipëri është një sinjal inkurajues dhe pasqyrë e angazhimit për një të ardhme evropiane.

Ndërsa procesi i negociatave po ecën përpara, Eurobarometri i fundit vërteton edhe një herë: shqiptarët duan BE-në, por mbeten në pritje të vullnetit të vendeve anëtare.

/rtsh.al/