Në emisionin “3D” të Alban Dudushit, në RTSH 1 HD, ndërsa u trajtua çështja e pezullimit nga GJKKO e zëvendëskryeministres Belinda Balluku, polemisti Arben Meçe deklaroi se pezullimi nga detyra i një ministri nuk mund të ndërmerret pa miratimin e Parlamentit.

Sipas Meçes, imuniteti i ministrit është i barabartë me atë të deputetit.

 “Bëhet arrestim në kushtet e flagrancës, kërkohet përjashtim, por me lejen e Parlamentit. Përjashtimi, pra pezullimi, do të thotë ta përjashtosh nga puna sepse kështu dua unë. Nuk ta lejon Kushtetuta sepse e gjithë kjo përkalon Kushtetutën. Shoh një dispozitë që është taksative, nuk ka nevojë të diskutohet ajo që është se imuniteti i ministrit është i barabartë me imunitein e deputetit. Përjashtimi nga puna nuk futet sepse nuk mund të bëhet pa lejen e Parlamentit, dhe deputetin nuk e nxjerr në rrugë duke thënë se unë si gjykatë të jap urdhër të largohesh, pa lejen e Parlamentit. Janë masa sigurie që merren gjithmonë. Ka një Kushtetutë që e pengon atë për pezullim nga detyra”, tha ai.

/rtsh.al/