Merkato/ Barcelona arrin marrëveshjen me Willimas, Laporta punon për të krijuar mundësinë e regjistrimit

Spanjë | 1 vit më parë

Barcelona ka arritur një akord me përfaqësuesit e Nico Williams, i cili vetëm tre ditë më parë u kishte bërë të ditur se klubi katalan ishte skuadra ku do të dëshironte që të vazhdonte karrierën.

Sipas shtypit spanjoll Williams ka pranuar që të përfitojë 7-8 milionë euro në sezon edhe pse klubeve të tjera të interesuara u kishte kërkuar shifra dyshifrore. Në këtë pikë pengesa e madhe quhet Atletic Bilbao.

Klubi bask kërkon që klauzola e shitjes në kontratën e 21-vjeçarit, e cila është rreth 58-62 milionë euro, duhet që të paguhet njëherazi. Në këtë pikë presidenti i klubit, Laporta, po punon për të siguruar fondet e nevojshme. Njëkohësisht ai po diskuton edhe me La Liga-n për të evituar një tjetër çështje “Olmo”.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.