Ministri Hoxha: 12 të arrestuar për zjarrvënie të qëllimshme në ditët e fundit

Aktualitet | 1 vit më parë

Gjatë një deklarate për mediat, Ministri i Brendshëm, Ervin Hoxha, njoftoi se Policia e Shtetit ka arrestuar 12 persona në ditët e fundit me akuzën për zjarrvënie të qëllimshme.

Ministri theksoi se megjithë situatën e rënduar, 90% e vatrave të zjarrit janë stabilizuar falë angazhimit maksimal të strukturave të Policisë, Mbrojtjes Civile dhe forcave të tjera në terren. Ai paralajmëroi se ndëshkimi do të jetë i ashpër për këdo që qëllimisht ka shkaktuar zjarre, duke rrezikuar jetën dhe pronën e qytetarëve.

Sipas Hoxhës, numri total i të arrestuarve për këtë vepër penale ka arritur në 40, ndërsa mbi 140 persona janë proceduar penalisht për shkaktim zjarresh në të gjithë vendin. Kjo tregon një qasje të vendosur të autoriteteve për të ndëshkuar aktet e dëmshme që po shkaktojnë dëme të mëdha.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.