Me një traditë që nga viti 1998, një biznes familjar në Cërrik vijon të përpunojë qumështin vendas në djathë dhe produkte të tjera të bulmetit, në bashkëpunim të ngushtë me fermerët e zonës.

Gjatë vizitës në këtë sipërmarrje, ministri i Bujqësisë, Andis Salla, u njoh nga afër me procesin e përpunimit dhe vlerësoi rolin që biznese të tilla luajnë në zhvillimin e industrisë së përpunimit të qumështit, si edhe në mbështetjen e prodhimit vendas.

Sot, kjo sipërmarrje përpunon rreth 140 kilogramë produkte bulmeti në ditë dhe furnizon tregun vendas, duke kontribuar në rritjen e vlerës së shtuar të ekonomisë rurale.

Ministri Salla theksoi se bashkëpunimi me fermerët dhe investimet në përpunim janë faktorë kyç për zhvillimin e qëndrueshëm të ekonomisë lokale, rritjen e konkurrueshmërisë dhe garantimin e cilësisë së produkteve shqiptare.

/rtsh.al/