I dërguari i posaçëm i Bashkimit Evropian për dialogun Beograd–Prishtinë, Peter Sorensen, u takua dje në Prishtinë me ministrin e Punëve të Jashtme të Kosovës, Glauk Konjufca.

Sipas njoftimit të MPJ-së, Konjufca e informoi Sorensen se procesi i dialogut do të udhëhiqet nga Ministria e Punëve të Jashtme të Kosovës.

Gjatë takimit u diskutua gjendja aktuale e dialogut dhe parimet e nevojshme për ta bërë atë efektiv dhe të qëndrueshëm.

Konjufca theksoi se Kosova mbetet e përkushtuar ta shohë dialogun si një mundësi për të avancuar marrëdhëniet me Serbinë, si dy shtete sovrane në rrugën e tyre drejt integrimit evropian.

Sipas portalit KoSSev, vizita e Sorensen nuk ishte paralajmëruar për publikun. Ende nuk dihet sa kohë do të qëndrojë ai në Kosovë apo nëse destinacioni i radhës do të jetë Beogradi.

Sorensen vizitoi për herë të fundit Kosovën në fund të janarit, ndërsa më 11 shkurt mandati i tij si i dërguar special i BE-së u zgjat për dy vjet të tjera.

Good introductory meeting with @EUSR_Dialogue, Peter Sørensen.

I informed him that the dialogue will now be led by @MFAKOSOVO. Kosovo remains committed to EU-facilitated dialogue to advance good neighbourly relations with Serbia, as two sovereign states on our European path. pic.twitter.com/EPGyuh3TyB

— Glauk Konjufca (@KonjufcaGlauk) February 23, 2026

/rtsh.al/