Mori 2 mijë euro për të mos arrestuar një grua që shkaktoi aksident, SPAK dërgon për gjykim ish-shefin e Rrugores

Aktualitet | 1 vit më parë

SPAK ka përfunduar hetimet dhe ka çuar për gjykim ish-shefin e Policisë Rrugore të Tiranës, Roven Zeka dhe dy vartësit e tij, Sokol Novaku e Edison Tabaku, të akuzuar për marrje ryshfeti prej 2 mijë eurosh.

Sipas dosjes, policët dyshohet se kërkuan dhe morën paratë nga biznesmeni Ergest Vrioni për të mos arrestuar bashkëshorten e tij, Anisa Vrioni, pas një aksidenti me pesë të plagosur më 16 prill. Tabaku, që njihte Vrionin, mori fillimisht 1 mijë euro pranë banesës së tij dhe më pas kërkoi edhe 1 mijë të tjera, duke thënë se “kishte persona mbi kokë”.

Hetimet zbuluan komunikime mes Tabakut, Zekës dhe Novakut për ndarjen e shumës. Dosja do të shqyrtohet nga gjyqtarja e GJKKO-së, Irena Gjoka.

Gazetare: Lusi Përgjegji

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.