Mori mandatin e Alfred Rushajt, Petrit Doda regjistrohet në Kuvend si deputet i pavarur

Politikë | 4 vite më parë

Deputeti Petrit Doda është regjistruar në Kuvend si deputet i pavarur. Doda është deputeti më i ri i Kuvendit të Shqipërisë i ardhur nga lista e Partisë Demokratike, pasi mori mandatin pas largimit të Alfred Rushajt.

Edhe pse pritej që ai të ishte pjesë e grupit parlamentar të PD-së, duket se Doda do të regjistrohet si deputet i pavarur. Kjo me argumentin se të dyja palët e PD duhet të reflektojnë dhe të bashkohen.

Deputeti i Partisë Demokratike Alfred Rushaj la mandatin për motive personale, ku vendin e tij e zuri Petrit Doda që në zgjedhjet e 25 prillit 2021 mori 5987 vota personale.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.