Moti i keq përfshin Vlorën, era e fortë rrëzon disa pemë, bllokohet përkohësisht qarkullimi në disa rrugë

Aktualitet | 6 muaj më parë

Moti i keq dhe era e fortë që kanë përfshirë qytetin e Vlorës gjatë orëve të fundit ka rrëzuar disa pemë në akset rrugore duke bllokuar përkohësisht qarkullimin.

Për shkak të intensitetit të lartë dhe shpejtësisë së erës, e cila ka arritur deri në 20 m/s, janë rrëzuar dy pemë në zonën e Transballkanikes dhe në brendësi të lagjes “Lungomare”.

Pemët e rrëzuara kanë bllokuar pjesërisht qarkullimin në rrugë, duke sjellë ndërhyrjen e menjëhershme të forcave zjarrfikëse. Ekipet kanë punuar për largimin e tyre dhe normalizimin e situatës në akset e prekura.

Ndërkohë, për shkak të përkeqësimit të kushteve atmosferike dhe erës së fortë në det, është vendosur pezullimi i lundrimit detar deri në ditën e nesërme.

Autoritetet u bëjnë thirrje qytetarëve të tregojnë kujdes gjatë lëvizjes, sidomos pranë zonave me pemë dhe në afërsi të bregdetit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.