Pas ditëve me diell dhe temperatura të larta, moti gjatë kësaj jave pritet të ndryshojë, duke sjellë reshje shiu dhe dëbore në të gjithë vendin.

Reshjet e shiut pritet të nisin ditën e sotme me intensitet të ulët, për t’u intensifikuar gjatë orëve të mbrëmjes.

Duke nisur nga dita e mërkurë, reshjet do të sjellin dëborë në zonat malore mbi 900 m.

“Duke vazhduar nga sot, moti do të jetë kryesisht i vranët në pjesën më të madhe të territorit. Nga dita e mërkurë, moti do të jetë me vranësira mesatare deri të dendura dhe reshje shiu fillimisht me intensitet të ulët në orët e paradites, ndërsa në orët e mesditës dhe në vijim reshjet parashikohen me intensitet mesatar në formë shtrëngatash të herëpashershme. Ndërkohë, pritet edhe rikthimi i reshjeve të dëborës në relievet malore”, tha meteorologia.

Për sa i përket temperaturave, ato pritet të ulen ndjeshëm si në vlerat minimale, ashtu edhe në ato maksimale.

Edhe fundjava pritet me mot të paqëndrueshëm, duke sjellë reshje shiu e dëbore në të gjithë territorin e vendit.

/rtsh.al/