Murtaja e bagëtive të imëta në Postribë, blegtorët e zonës thonë se nuk ka vend për panik

Sociale | 1 vit më parë

Rasti i murtajës së bagëtive të imëta në Postribë të Shkodrës, i konfirmuar pak ditë më parë në Postribë të Shkodrës, ka ngjallur reagimin e blegtorëve të zonës.

Edmir Repaj i cili ka një tufë prej rreth 300 krerësh bagëti të imëta, thotë se fenomeni i murtajës nuk ka shtrirje të gjerë në zonën e Postribës dhe nuk ka vend për panik.

Ai sqaron se në fermën e tij janë kryer ekzaminimet nga veterinerët dhe asnjë krerë nuk ka rezultuar me sëmundje.

“Nuk ka sëmundje në fermat shqiptare dhe as në Postribë, nuk ka nevojë për panik”, u shpreh blegtori, Edmir Repaj.

Autoriteti Kombëtar i Veterinarisë dhe Mbrojtjes së Bimëve u ka bërë thirrje fermerëve që të kufizojnë lëvizjen e deleve dhe dhive, ndërsa thuhet se murtaja nuk transmetohet tek njerëzit dhe nuk paraqet asnjë rrezik për shëndetin publik.

Gazetar: Mirsad Rakaj

/rtsh.al/

blegtor

murtaja

postriba

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.