Tre minuta nga fundi ishin në disavantazh të 13 pikëve, por falë një paraqitjeje stratosferike të Aron Nesmith (30 pikë) Indiana shkurtoi diferencën -2. Më tej kryeveprën e kompletoi Tajris Haliburton.

All-Star i Pacers mori përsipër goditjen e fundit dhe në momentin që shënoi koshin për tri pikë të gjithë menduan se ndeshja u mbyll aty, por arbitrat rishikuan mirë kërcimin e baskëtbollistit, i cili kishte shkelur vijën e tri pikëve.

Kështu ndeshja mes Knicks dhe Pacers u shty në kohën shtesë ku të dy ekipet shënuan mjaftueshëm për ta bërë takimin mjaft emocionues, por në fund u mbyll me fitoren e miqve nga Indianapolis. Për skuadrën e Nju Jorkut nuk mjaftoi performanca e Xhejlën Brunson (43 pikë) dhe ajo  e Karl-Entoni Touns. Takimi i dytë i finaleve të Konferencës së Lindjes do të mbahet po në Nju Jork natën mes 23 dhe 24 majit.

NEW YORK KNICKS-INDIANA PACERS 135-138 Kohë shtesë (0-1)