Janë arrestuar në Itali dy vëllezërit shqiptarë të shpallur në kërkim ndërkombëtar për disa vepra penale

Policia bëri me dije se 35-vjeçari Erion H., është dënuar nga Gjykata e Durrësit me burg për veprat penale ‘Vjedhja me dhunë” dhe “Përkrahja e autorit të krimit”. Ai akuzohet se në bashkëpunim me disa shtetas të tjerë, më datë 7 shkurt të 2021-shit, ka vjedhur me dhunë, një automjet, një shumë parash dhe një celular, në ambientet e një fabrike qumështi.

Ndërsa vëllai i tij Klodjan H., është dënuar në korrik të 2024-ës me 4 vite e 4 muaj, nga të cilët do duhet të shlyejë edhe 1 vit e 6 muaj burgim.

Ai u kap në 2019-ën në flagrancë brenda një sere në Martanesh, ku kishte kultivuar fidanë narkotikë në 1324 gota plastike.

Interpol Tirana dhe Interpol Roma po kryejnë procedurat për ekstradimin e këtyre shtetasve, në Shqipëri.

/rtsh.al/