Organizata e Kombeve të Bashkuara kanë dënuar valën e fundit të sulmeve izraelite që synojnë grupin terrorist Hezbollah në të gjithë Libanin.

“Kombet e Bashkuara dënojnë fuqishëm sulmet e Izraelit në të gjithë Libanin që rezultuan në viktima të konsiderueshme civile”, tha Farhan Haq, zëdhënësi zëvendës i Sekretarit të Përgjithshëm të OKB-së, António Guterres.

Ai shtoi më tej se “ne vazhdojmë të bëjmë thirrje që të gjitha palët të përdorin kanalet diplomatike, të ndalojnë armiqësitë dhe të shfrytëzojnë armëpushimin e ri SHBA-Iran si një mundësi për të parandaluar humbje të mëtejshme të jetëve”,

Sulmet izraelite erdhën vetëm disa orë pas njoftimit të një armëpushimi dyjavor midis SHBA-së dhe Iranit, të cilin Izraeli tha se nuk e përfshin luftën e tij me Hezbollah.

Sipas autoriteteve libaneze, sulmet kanë shkaktuar qindra viktima të vrarë dhe të plagosur, me goditje edhe në zona banimi dhe tregtare të Bejrutit.

Ushtria izraelite e përshkroi operacionin si sulmin më të madh të koordinuar kundër Hezbollah deri tani, duke synuar infrastrukturën ushtarake të grupit.

/rtsh.al/