Operohet sulmuesi i Flamurtarit

Abissnet Superiore | 12 muaj më parë

Flamurtari njofton se sulmuesi Alessandro Bolzan ka kryer me sukses një ndërhyrje kirurgjikale dhe ka nisur fazën e rikuperimit.

20-vjeçari u bashkua me vlonjatët këtë verë nga skuadra italiane e Cagliarit dhe ka shënuar 1 gol (përballë Teutës) në 6 ndeshje që ka luajtur këtë sezon. Bolzan ka munguar në 3 sfidat e fundit të Flamurtarit në kampionat për shkak dëmtimi.

“Flamurtari Football Club njofton se lojtari Alessandro Bolzan ka dalë me sukses nga operimi dhe ndodhet aktualisht në fazën e rikuperimit.

Operacioni ka kaluar mirë dhe procesi i rikuperimit po ecën sipas parashikimeve të stafit mjekësor.

I urojmë Alessandro Bolzanit shërim të shpejtë dhe rikthim sa më të shpejtë në fushë”, shkruhet në njoftimin e klubit vlonjat.

Alessandro Bolzan

Flamurtari

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.