Organizata mbikëqyrëse: Irani nuk po përmbush detyrimet bërthamore

Botë | 1 vit më parë

Organizata globale mbikëqyrëse bërthamore deklaroi se Irani nuk po përmbush detyrimet e tij për mospërhapjen bërthamore, për herë të parë në 20 vjet.

Në një rezolutë, bordi drejtues i IAEA-së shprehu shqetësim për mungesën e bashkëpunimit të Iranit dhe për praninë e materialit bërthamor të padeklaruar në zona të dyshimta.

Irani reagoi ashpër ndaj rezolutës, ndërsa paralajmëroi fuqitë evropiane se mbështetja e mocionit do të “ishte një gabim” dhe se do të reagonte fuqishëm.

Ky veprim mund të ndërlikojë më tej bisedimet midis Iranit dhe SHBA-së mbi një marrëveshje të re bërthamore.

Sipas raportit të fundit, Irani ka grumbulluar uranium të pasuruar në nivelin 60%, mjaftueshëm për të prodhuar deri në nëntë bomba bërthamore, edhe pse Teherani këmbëngul se programi i tij është paqësor.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.