Orkestra Simfonike e Korçës mban koncert premierë, një kartolinë muzikore për të gjithë

Kulturë | 10 muaj më parë

Koncerti premierë i Orkestrës Simfonike të Korçës erdhi si një kartolinë e veçantë urimi për festat e fundvitit, duke mbushur sallën e teatrit “Andon Zako Çajupi” në Korçë, me tinguj solemnë, emocione të forta dhe frymë shprese.

Nën interpretimin profesional të instrumentistëve, repertori i zgjedhur nga kompozitorë me famë botërore si Strauss, vepra si My Way, Zorba apo Baresha nga repertori shqiptar, etj, solli atmosferën e festave, duke ndërthurur elegancën e muzikës simfonike me ndjesinë e gëzimit që shoqëron ditët e fundit të vitit.

Në këtë mbrëmje festive, muzika klasike u bë gjuhë bashkuese, që përcolli paqe, harmoni dhe ngrohtësi për çdo artdashës të pranishëm.

Gazetare: G. Manushi

/rtsh.al/

korce

Orkestra Simfonike

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.