Presidentja e Kosovës, Vjosa Osmani, ka marrë pjesë në ceremoninë e funeralit të Papa Françeskut në Vatikan, krahas liderëve nga mbarë bota.

Përmes një postimi në rrjetin social në Facebook, Osmani shkruan se Papa Françesku do të mbahet mend për angazhimin e tij për paqen, dinjitetin njerëzor dhe solidaritetin ndërmjet popujve.

Ajo vë në dukje se trashëgimia e Papa Françeskut në përkushtimin ndaj të varfërve, mbrojtjes së të drejtave të njeriut dhe ndërtimit të urave të miqësisë ndërmjet kombeve do të jetojë gjatë.

“Krahas liderëve nga mbarë bota, në Vatikan, në ceremoninë e funeralit të Papë Françeskut. Papë Françesku do të mbahet mend për angazhimin e tij për paqen, dinjitetin njerëzor dhe solidaritetin ndërmjet popujve.

Trashëgimia e tij në përkushtimin ndaj të varfërve, mbrojtjes së të drejtave të njeriut dhe ndërtimit të urave të miqësisë ndërmjet kombeve do të jetojë gjatë”, shkruan Osmani në rrjetin e saj social në Facebook.

Gjithashtu, Osmani ka ndarë edhe disa fotografi nga pjesëmarrja e saj në ceremoni dhe takimet e zhvilluara me liderë botërorë, ku ajo është takuar edhe me presidentin amerikan Donald Trump.

/rtsh.al/