Pamjet me ajri/ Çarja e argjinaturës së Vainit, toka e banesa nën ujë, situata në Lezhë

Aktualitet | 12 muaj më parë

Situata e krijuar nga çarja e argjinaturës së lagunës së Vainit në zonën e Tales, në Lezhë, ka sjellë përmbytje të një sipërfaqe të konsiderueshme të tokave bujqësore, por edhe banesave që ndodhen pranë zonës.

Për shkak të prurjeve të larta dhe reshjeve intensive, sipërfaqet e përmbytura janë zgjeruar në fshatrat Mylltë, Barbullojë, Tresh dhe Spiten, ku uji ka hyrë edhe në disa banesa. Gjithashtu është ndërhyrë edhe me evakuim me varka për banorët që kanë pasur nevojë.

RTSH ka siguruar pamje me dron, të cilat tregojnë përmasa të përmbytjeve, me sipërfaqe toke dhe banesa nën ujë për shkak të prurjeve në lagunën e Vainit.

Strukturat e Emergjencave Civile dhe ekipet në terren po vijojnë punën për riparimin e argjinaturës, në mënyrë që të ndalohet përhapja e mëtejshme e ujit drejt zonave të banuara.

/rtsh.al/

dron

lezhë

moti i keq

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.