Panairi i Pranverës në Korçë, artizanë dhe aktivitete festive tërheqin vizitorë të shumtë

Aktualitet | 7 muaj më parë

Në prag të festës së Pashkës, sheshi përpara Katedrales Ortodokse në Korçë është gjallëruar nga Panairi i Pranverës, një aktivitet tashmë i kthyer në traditë që bashkon artizanë dhe vizitorë nga zona të ndryshme të vendit.

Stendat e mbushura me punime dore, produkte tradicionale dhe suvenire krijojnë një atmosferë festive dhe autentike, duke e kthyer këtë hapësirë në një nga pikat më të frekuentuara të qytetit.

“Për mua është hera e parë që vij në panair. Kam sjellë për të ekspozuar vezët me guacka të vërteta, të dekoruara nga kultura të ndryshme si: Ukraina, Rumania, Polonia etj.”

Paralelisht me ekspozimin e produkteve, janë parashikuar edhe një sërë aktivitetesh artistike dhe argëtuese, duke i dhënë qytetit më shumë gjallëri në këto ditë festive.

Gazetare: Eftjola Fili

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.