Pelikani kacurrel në Lagunën e Karavastasë, ulet numri i shpendëve prej gripit

Sociale | 4 vite më parë

Dita Ndërkombëtare e “Pelikanit Kacurrel“ e gjen në vështirësi dhe me ulje numrin e pelikanëve në Lagunën e Karavastasë. Gripi i shpendëve, i rënë disa muaj më parë ka shkaktuar ngordhjen e dy individëve në ishullin e folenizimit.

Jemi në momentin që pelikanët rikthehen pas shtegtimit dhe ende numri i tyre është i pakët krahasuar me të njejtën periudhë të vitit të shkuar.

Së shpejti do bëhet dhe numërimi i tyre në lagunë për të dalë në një konkluzion përfundimtar në numrin e tyre.

Specialisti i Natyrës Sajmir Hoxha pohoi faktin se kujdesi ndaj pelikanit duhet rritur sepse janë një atraksion për shtimin e turisteve në Parkun Kombetar Karavasta në Divkakë.

Administrata e Zonave të Mbrojtura në parkun kombëtar të Divjakës ka shtuar vëmendjen dhe kujdesin për të ruajtur numrin e individëve të pelikanit kacurrel në lagunë.

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.