Përfundon kanali kullues në Godolesh, do të shmangë përmbytjet

Sociale | 2 vite më parë

Në Godolesh të Elbasanit ka përfunduar kanali kullues prej afro 3 km i cili do t’i vijë në ndihmë banorëve. Prej kohësh, ata kanë hasur problematika të ndryshme, sidomos gjatë reshjeve pasi ujërat e përrenjve, shkaktonin dëme të konsiderueshme në rrugët e fshatit, ku disa herë ka pasur dhe bllokim të tyre.

Përveç investimit në kanalin kullues, Bashkia e Elbasanit ka ndërhyrë duke hapur edhe disa rrugë që më parë ishin të bllokuara.

Banorët e fshatit Godolesh shprehen se ky vit për ta, pa diskutim që do të jetë më i lehtë falë kanalit dhe hapjeve të rrugëve.

Fshati Godolesh në Elbasan vitet e fundit është duke u vizituar dhe nga turistë të huaj të cilët janë të apasionuar pas turizmit malor, përveçse shtigjeve dhe natyrës në këtë zonë, turistët tërhiqen edhe nga trashëgimia kulturore e zonës.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.