Përkujtohet sot 27-vjetori i Masakrës së Dubravës

Kosovë | 5 muaj më parë

Përkujtohet sot 27-vjetori i Masakrës së Dubravës, një prej ngjarjeve më tragjike të luftës në Kosovë dhe një simbol i vuajtjeve të shqiptarëve gjatë regjimit serb.

Në Burgun e Dubravës do të mbahen në orën 11:00 homazhet përkujtimore në nderim të viktimave, të plagosurve dhe të mbijetuarve të kësaj masakre.

Aktiviteti përkujtimor organizohet në 27-vjetorin e masakrës që ndodhi gjatë periudhës 19–24 maj 1999, kur dhjetëra të burgosur shqiptarë u vranë dhe qindra të tjerë u plagosën brenda Burgut të Dubravës.

Organizatorët kanë ftuar ish-të burgosurit, familjarët e viktimave, të mbijetuarit e masakrës dhe qytetarët e interesuar që të marrin pjesë në ceremoninë përkujtimore.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.