Përmbytjet në fushën e Maliqit, fermerët ende nuk janë dëmshpërblyer

Aktualitet | 5 muaj më parë

Dy përmbytje masive në muajin dhjetor të vitit të kaluar dhe në Janar bënë që më tepër se 400 hektarë tokë bujqësore në fushën e Maliqit të ishin nën ujë, duke shkaktuar dëme të mëdha tek fermerët. Në atë kohë, ishte ministri i bujqësisë ai i cili premtoi dëmshpërblim për fermerët por kjo gjë ende nuk ka ndodhur.

Geni Fraholli, një nga fermerët e fshatit Sheqeras tregon se “gjithë prodhimi i mbjellë u dëmtua ndërsa dëmshpërblimet e premtuara ende nuk janë marrë”.

Një gjë të tillë e pranon edhe drejtori i bujqësisë në bashkinë e Maliqit, Aurel Zenullari kur thotë “se fermerët kanë të drejtë për kërkesën e dëmshpërblimeve të cilat ende nuk janë marrë”.

Në këtë situatë Bashkia e Maliqit ka hequr nga detyrimi i taksave vendore fermerët që tokën e kane ende nën ujë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.