Pjesë e një organizate kriminale që trafikonte drogë në Norvegji dhe Belgjikë, ekstradohet nga Spanja 34-vjeçari

Aktualitet | 1 vit më parë

Një person është ekstraduar nga Spanja pasi akuzohet si pjesë e një organizate kriminale që trafikonte lëndë narkotike në Norvegji dhe Belgjikë.

Interpol Tirana në bashkëpunim me Interpol Madrid bënë të mundur ekstradimin e Juxhin Drazhit, 34 vjeç, i cili akuzohet nga Gjykata e Posaçme Kundër korrupsionit për trafik droge në disa vende të BE-së.

Më 30 prill 2025, GJKKO ka caktuar ndaj 34-vjeçarit, masën e sigurisë “Arrest në burg”, për veprat penale “Trafikimi i narkotikëve”, kryer në formën e grupit të strukturuar kriminal, “Grup i strukturuar kriminal” dhe “Kryerja e veprave penale nga organizata kriminale ose grupi i strukturuar kriminal”.

Nga hetimet e kryera nga SPAK, dyshohet se 34-vjeçari ka qenë pjesë e një organizate kriminale që trafikonte lëndë narkotike në Norvegji dhe në Belgjikë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.