Plagosja e kryeministrit sllovak, Rama: I tronditur nga lajmi i tmerrshëm i sulmit

Botë | 2 vite më parë

Kryeministri Edi Rama ka reaguar lidhur me plagosjen e kryeministrit sllovak, Robert Fico. Në një postim në X (dikur Twitter), Rama e konsideron sulmin si të tmerrshëm, teksa i uron shërim të shpejtë kryeministrit Fico.

“I tronditur nga lajmi i tmerrshëm i sulmit të tmerrshëm ndaj Kryeministrit të zgjedhur të Sllovakisë, një i mbijetuar i madh dhe mik i dashur të cilit i uroj shërim të shpejtë dhe një rikthim spektakolar”, shkruan Rama.

Kryeministri Robert Fico 59 vjeç, u qëllua 4 herë me armë zjarri jashtë Shtëpisë së Kulturës në qytetin Handlova, rreth 150 kilometra në verilindje të kryeqytetit, ku lideri po takohej me mbështetësit e tij. Ai ndodhet në gjendje të rëndë shëndetësore. Autori i sulmit, një shkrimtar 71 vjeç, është arrestuar, teksa ende nuk janë zbardhur motivet e kësaj ngjarje të rëndë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.