Një konflikt për motive të dobëta në lagjen “Lugina” të Shijakut ka përfunduar me plagosjen e një personi. Sipas informacioneve paraprake, shtetasi me inicialet B.G ka mbetur i plagosur në këmbë nga të shtënat me armë zjarri, ndërsa autori i dyshuar i ngjarjes është identifikuar si personi me inicialet E.B..

Policia e Shtetit ka mbërritur menjëherë në vendngjarje, ka rrethuar zonën dhe po kryen kontrolle intensive për kapjen e autorit. I plagosuri është transportuar në spital, ku ndodhet nën kujdesin e mjekëve dhe jashtë rrezikut për jetën.

Grupi hetimor, nën drejtimin e Prokurorisë, vijon veprimet për sqarimin dhe dokumentimin e plotë të rrethanave të ngjarjes.

Njoftimi i plotë i Policisë:

Shijak/Informacion paraprak

Rreth orës 17:30, në lagjen Lugina, Shijak, dyshohet se, pas një konflikti për motive të dobëta ndërmjet shtetasve B. G. dhe E. B., ka mbetur i plagosur me armë zjarri në këmbë shtetasi B. G.

Shërbimet e Policisë kanë shkuar menjëherë në vendngjarje, kanë rrethuar zonën dhe vijojnë kontrollet intensive për lokalizimin dhe kapjen e shtetasit E. B., autorit të dyshuar të plagosjes.

Shtetas B. G. është transportuar në spital për të marrë ndihmë mjekësore dhe ndodhet nën kujdesin e mjekëve, jashtë rrezikut për jetën.

Grupi hetimor, nën drejtimin e Prokurorisë, vijon veprimet për sqarimin dhe dokumentimin e plotë të rrethanave të ngjarjes.

/rtsh.al/