Komisioni Evropian ka vendosur disbursimin e rreth 200 milionë eurove për Malin e Zi dhe Shqipërinë, si pjesë e zbatimit të Planit të Rritjes për Ballkanin Perëndimor. Komisionerja Marta Kos u deklarua para takimit.

“Sa i përket zbatimit të Planit të Rritjes, ai po ecën mirë dhe në ditët në vijim do të disbursojmë rreth 200 milionë euro për Malin e Zi, Shqipërinë dhe Malin e Zi”, u shpreh Kos.

Komisionerja për Zgjerim, Marta Kos, theksoi se ky financim vjen si mbështetje konkrete për reformat dhe procesin e integrimit gradual të vendeve të rajonit në Bashkimin Evropian, duke e konsideruar si një hap të rëndësishëm në afrimin ekonomik dhe institucional me BE-në.

“Siç e dini, javën e kaluar Serbia iu bashkua Shqipërisë, Malit të Zi dhe Maqedonisë së Veriut në SEPA, dhe ne po përgatitim gjithashtu samitin BE–Ballkani Perëndimor, i cili do të mbahet në Podgoricë më 5 qershor, dhe unë pres një angazhim vërtet të fortë nga të gjithë kandidatët e Ballkanit Perëndimor për të qëndruar të palëkundur në rrugën evropiane”, tha ajo.

/rtsh.al/