Pllana prezantohet te skuadra e re, mbrojtësi i kombëtares firmos me Grasshopper

Futboll Bota | 3 muaj më parë

Vetëm pak ditë pas ndërpreu kontratën me polakët e Lechia Gdansk, Bujar Pllana prezantohet te skuadra e re. Mbrojtësi i kombëtares shqiptare ka nënshkruar një kontratë 2-vjeçare me zviceranët e Grasshopper.

“Grasshopper Club Zürich po e përforcon mbrojtjen me futbollistin shqiptar Bujar Pllana.

Mbrojtësi qendror ka nënshkruar një kontratë që zgjat deri në fund të sezonit 2027/28 dhe do të mbajë fanellën me numrin 44 te GC Zürich.

Pllana kalon te Zurichu nga Lechia Gdansk, ku së fundmi luajti në elitën e futbollit polak. 24-vjeçari është një mbrojtës qendre me cilësi të gjithanshme, që ndërthur aftësi të forta fizike dhe teknike. Me praninë e tij imponuese, forcën në duele dhe cilësinë me topin, ai i sjell mbrojtjes së Grasshoppers-it një profil të gjithanshëm”, shkruhet në njoftimin e klubit zviceran.

Bujar Pllana

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.