Portieri i Turqisë largohet nga kampi stërvitor dhe sulmon Montellën

Botërori 2026 | 1 vit më parë

Portieri Berke Ozer u largua nga kampi stërvitor i Turqisë “pa leje”. Lojtari i Lille, që priti tre penallti kundër Romës në Ligën e Evropës (dy nga Dovbyk dhe një nga Soulé), u rikthye në klubin e tij ndërsa Turqia e shkatërroi Bullgarinë 6-1 në një ndeshje kualifikuese për Kupën e Botës në Sofje.

“Berke Ozer u largua nga qendra jonë stërvitore dhe u kthye në Stamboll pa lejen e stafit tonë”, tha Federata Turke e Futbollit në një deklaratë. “Ndërsa jemi të impenjuar për t’u kualifikuar për Kupën e Botës, një sjellje e tillë është e papranueshme”.

Përgjigja e portierit erdhi në Instagram dhe ishte një sulm ndaj Montellës: “Kur pashë listën e lojtarëve të thirrur, kuptova se vendimmarrësit në ekipin e vendit tim nuk motivoheshin nga performanca apo vullneti për të fituar”.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.