Në “Goodison Park” të Liverpulit skuadra e Everton nuk arriti që të bëntë asgjë përballë Mançester Sitit me miqtë, të cilët dolët fitimtar me dy gola të shënuar në minutat e fundit. Skuadra e Guardiolës mori tri pikët nga kjo transfertë falë golave të shënuar nga O’Reili (84’) dhe Kovaçiç (92’).

Ky takim kishte shumë interes për publikun shqiptar pasi tekniku i Everton David Mojes zgjodhi që të aktivizonte nga minuta e parë Armando Brojën. Për shqiptarin ishte një shans i mire për të treguar vlerat e tij, por dështoi që të linte gjurmë në një duel që zgjati 63 minuta kur edhe i la vendin Betos.

Sipas shtypi britanik paraqitja e Brojës në këtë duel nuk ishte e mjaftueshme për nivelin e kërkuar në një ndeshje përballë Sitit. “Liverpoolecho” vlerësoi paraqitjen e Brojës me notën 5-së. “Kërkoi që të linte gjurmë, por nuk mundi që të imponohej. Duhej të tregonte më shumë forcë në një ndeshje si kjo”, ishte komenti i “Liverpoolecho” për paraqitjen e Brojës përballë Sitit.