Presidenti Meta: 25 prilli, fundi i injorimit të kushteve për integrimin

Politikë | 6 vite më parë

Përmes një postimi në rrjetet sociale, presidenti Ilir Meta, përshëndet Partitë Popullore Evropiane, grupin më të madh në Parlamentin Evropian, për interesin dhe vëmendjen e pandërprerë ndaj Shqipërisë. Kreu i shtetit shprehet i bindur se, “25 prillit 2021 do t’i japin fund injorimit të kushteve dhe plotësimit të standardeve për integrimin“.

Reagimi i Ilir Metës

E përshëndes vëmendjen e pandërprerë të Partive Popullore Evropiane dhe thirrjet e përsëritura të miqve të sinqertë europianë, të cilët mezi presin çeljen e negociatave për Shqipërinë.

I garantoj se mbi 99% e popullit shqiptar, mezi e pret hapjen e negociatave dhe se zgjedhjet e 25 prillit 2021 do t’i japin fund injorimit të kushteve dhe plotësimit të standardeve për integrimin, duke e rivendosur vendin, plot energji të reja, drejt Bashkimit Evropian.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.