Punonjësi i Burgut të Lushnjës u arrestua për ryshfet, pezullohet drejtori dhe nëndrejtori

Aktualitet | 1 vit më parë

Drejtoria e Përgjithshme e Burgjeve ka pezulluar nga detyra drejtorin dhe nëndrejtorin e burgut të Lushnjës, pasi një punonjës u arrestua për ryshfet.

Shefi i Regjimit të Brendshëm të burgut u filmua duke marrë një shumë parash në këmbim të një leje shpërblyese për një të dënuar. Ish-zyrtari është përjashtuar nga radhët e Policisë së Burgjeve, ndërsa do të përballet edhe me drejtësinë për “korrupsion pasiv”.

Rasti u denoncua fillimisht në emision investigativ, ndërsa Drejtoria e Përgjithshme e Burgjeve, në bashkëpunim edhe me SPAK-un, bëri të mundur më pas arrestimin e punonjësit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.